is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/47064

Titill: 
  • Sjálfbær fjármögnun fyrirtækja: Tækifæri og áskoranir í sjálfbærni
Námsstig: 
  • Bakkalár
Útdráttur: 
  • Sjálfbær fjármögnun snýst um að fjármagn sé notað í verkefni sem hjálpa jörðinni og fólki og stuðli þannig að því að komandi kynslóðir ættu ekki að vera verr settar en núverandi kynslóðir, að þær geti notið þeirra auðlinda sem jörðin hefur upp á að bjóða líkt og núverandi kynslóðir hafa gert.
    Sjálfbær fjármögnun fyrirtækja fer vaxandi með hverju ári og þess vegna er mikilvægt fyrir fyrirtækin að vera vel upplýst er kemur að því að innleiða sjálfbærni. Taka þarf marga þætti inn í myndina og mikilvægt er að horfa í þá helstu fyrst, áskoranir, ávinning, regluverk og UFS.
    Fyrirtæki sem taka upp sjálfbæra fjármögnun fara oftar en ekki eftir UFS viðmiðum, sem skiptast niður í þrjá flokka, umhverfisþætti, félagsþætti og stjórnarhætti. Fyrirtæki geta orðið verðmætari með innleiðingu á sjálfbærni og um leið stuðlað að því að gera heiminn betri fyrir bæði fólkið og jörðina.
    Fyrirtæki geta farið nokkrar leiðir til að innleiða sjálfbæra fjármögnun og má þar nefna útgáfu grænna skuldabréfa, sjálfbærra skuldabréfa og félagslegra skuldabréfa. Þá bjóða bankar ýmsa sjálfbæra fjármálaþjónustu, svo sem græn lán til að fjármagna starfsemi sem gagnast umhverfinu á einn eða annan hátt.
    Rannsóknir hafa sýnt fram á aukinn áhuga neytenda á sjálfbærni og hvernig sjálfbærni hefur áhrif á vörukaup þeirra. Sjálfbærni getur einnig laðað að nýja viðskiptavini og byggt upp sterkari tengsl við núverandi viðskiptavini.
    Áskoranir við innleiðingu á sjálfbærni og sjálfbærri fjármögnun eru t.d. hætta á miklum upphafskostnaði, skortur á þekkingu og kunnáttu og hætta á ólíkum áherslum helstu hagaðila.
    Sjálfbærni í fjármálaheiminum er mjög mikilvæg fyrir framtíðina, bæði fyrir umhverfið og fólkið. Fyrirtæki eru byrjuð að bjóða upp á fjölbreyttar fjármagnanir sem styðja við sjálfbærni og þrátt fyrir aukinn kostnað í upphafi reynist ávinningurinn meiri heldur en áskorunin.

Samþykkt: 
  • 15.5.2024
URI: 
  • http://hdl.handle.net/1946/47064


Skrár
Skráarnafn Stærð AðgangurLýsingSkráartegund 
BS - Freyr Jónsson (lokaskil) (1).pdf1.09 MBLokaður til...01.01.2050HeildartextiPDF
Yfirlýsing lokaverkefni.pdf1.24 MBLokaðurYfirlýsingPDF