Ábyrg ferðaþjónusta: Ávinningur og áskoranir

Abstract

Kröfur stjórnvalda um stefnu ferðaþjónustufyrirtækja í sjálfbærni hafa verið settar í drög að aðgerðaráætlun sem leið til að ná markmiðum hennar sem eru að ferðaþjónustan á Íslandi verði leiðandi í sjálfbærni. Ábyrg ferðaþjónusta var sett á laggirnar til þess að veita fyrirtækjum stuðning og hvatningu í markmiðasetningu og stefnu í sjálfbærni og í dag eru 400 ferðaþjónustufyrirtæki þátttakendur. Í þessari ritgerð verður farið yfir stöðu ferðaþjónustunnar og einkenni minni ferðaþjónustufyrirtækja ásamt hugtökum tengt sjálfbærri ferðaþjónustu og ábyrgri ferðaþjónustu. Markmið rannsóknarinnar er að varpa ljósi á ávinning og áskoranir við innleiðingu sjálfbærni markmiða ferðaþjónustufyrirtækja sem skráðu sig til þátttöku í ábyrgri ferðaþjónustu. Niðurstöður rannsóknarinnar benda til þess að þrátt fyrir að fæst fyrirtækjanna hafi náð markmiðum verkefnisins að þá er mikið starf verið að vinna í sjálfbærni innan fyrirtækjanna. Helstu áhrifaþættir á stöðu sjálfbærni hjá fyrirtækjunum er þekking stjórnenda, tímaskortur og mannauður. Einnig er árstíðarsveifla og dreifing ferðamanna annar mikilvægur þáttur.