Á bak við tjöldin: Frelsi eða fjötrar bókunarforrita

Abstract

Í þessari rannsókn er kafað ofan í hið margþætta svið ferðaþjónustunnar og einblínt sérstaklega á tjaldferðamennsku og hlutverk bókunarforrita innan þess þjónustugeira. Þrátt fyrir vaxandi vinsældir er tjaldferðamennska tiltölulega lítið rannsökuð miðað við aðrar tegundir ferðaþjónustu. Rannsókn þessi snýr að því að skoða viðhorf ferðamanna og umsjónaraðila tjaldsvæða til bókunarforrita. Notast var við rannsóknir og kenningar á fræðasviðinu, ásamt því var notast við blandaða rannsóknaaðferð þar sem 310 Íslendingar svöruðu spurningalista og tekið var viðtal við einstakling sem rekur tjaldsvæði og notar slíka tækni. Megindlegu gögnin voru unnin með hjálp tölfræðiforritsins Jamovi. Niðurstöður rannsóknarinnar sýna fram á að bókunarforrit á tjaldsvæðum hafa veruleg áhrif á hegðun viðskiptavina og heildarupplifun. Þrátt fyrir að þessi forrit veiti þægindi og skilvirkni við að skipuleggja og panta tjaldstæði, þarf að leysa vandamál varðandi notagildi og áreiðanleika þeirra til að auka ánægju viðskiptavina að fullu. Hinsvegar hafa bókunarforrit haft jákvæð áhrif á umsjónaraðila tjaldsvæða með því að auka skilvirkni í rekstri, auðga upplifun gesta, auka ánægju starfsfólks og hámarka stjórnun auðlinda.

This study delves into the multifaceted field of tourism and focuses specifically on camping tourism and the role of booking systems within this service sector. Despite its growing popularity, camping tourism is relatively understudied compared to other forms of tourism. This study examines the perspective of tourists and campsite operators towards booking systems. Studies and theories from the field of tourism were used, along with a mixed research method where 310 Icelanders answered a questionnaire and an interview was conducted with a person who runs a campsite that uses such technology. The quantitative data was processed with the help of the statistical program Jamovi. The results of the study show that camping booking apps have a significant impact on customer behaviour and the overall experience. Although these applications provide convenience and efficiency in planning and reserving campsites, usability and reliability issues needs resolving to fully enhance customer satisfaction. However, booking apps seem to positively impact campground operators by increasing their operational efficiency, enriching the guest experience, improving staff satisfaction and optimising resource management.