„Á Ísland bara að verða kolefnisklósett Evrópu?“ Viðhorf til loftslagsbreytinga og tæknilegra lausna

Abstract

Loftslagsbreytingar eru eitt stærsta vandamál sem heimurinn stendur frammi fyrir í dag. Ýmsar aðgerðir hafa verið settar af stað til þess að takast á við þetta vandamál þar á meðal þróun á tæknilegum lausnum sem fanga og/eða binda kolefni. Hér á landi hefur tæknin Carbfix eða gas í grjót sem bindur koldíoxíð í basaltjarðlög verið þróuð og nýtt með góðum árangri. Í þessari rannsókn var viðhorf almennings til þessara lausna skoðað. Niðurstöðurnar byggja á spurningakönnun sem lögð var fyrir gesti jarðhitsýningarinnar á Hellisheiði. 96 manns tóku þátt í rannsókninni og leiddu niðurstöðurnar í ljós að kyn og þjóðerni voru áhrifamestu lýðfræðilegu breyturnar þegar kom að viðhorfum fólks til tæknilegra lausna svo sem Carbfix.