Áhrif markaðssetningar á samfélagsmiðlum á kauphegðun neytenda innan snyrtivörumarkaðsins

Abstract

Markaðssetning á samfélagsmiðlum hefur vakið mikla athygli á síðastliðnum áratug. Þessi tæknilega þróun hefur leitt til breytinga á markaðsaðferðum fyrirtækja og gegnir mikilvægu hlutverki í nútíma markaðssetningu. Fyrirtæki sem vilja vera samkeppnishæf á snyrtivörumarkaði verða að tileinka sér slíka markaðssetningu. Markmið þessarar rannsóknar var að kanna á hvaða hátt markaðssetning á samfélagsmiðlum hefur áhrif á kauphegðun neytenda innan snyrtivörumarkaðsins. Tvær rannsóknir voru framkvæmdar, eigindleg rannsókn í formi djúpviðtala, við einstaklinga með sérþekkingu á snyrtivörumarkaðinum og megindleg rannsókn í formi spurningakönnunar sem send var út á samfélagsmiðilinn Facebook. Niðurstöður rannsóknar sýna fram á mikilvægi markaðssetningar á samfélagsmiðlum og bein áhrif þess á kauphegðun neytenda innan snyrtivörumarkaðsins. Niðurstöður benda einnig til þess að neytendur eru líklegri til kaupa eftir að hafa séð auglýsingu um vöru á samfélagsmiðlum og leita helst upplýsinga á samfélagsmiðla. Rannsókn þessi undirstrikar nauðsyn fyrirtækja til þess að tileinka sér markaðssetningu á samfélagsmiðlum.Lykilorð: Markaðssetning, samfélagsmiðlar, markaðssetning á samfélagsmiðlum, kauphegðun, snyrtivörumarkaður