Búnaður og mælingar styrktar-og úthaldsþjálfara í Bestu deild karla

Abstract

Mælingar og nýsköpun á búnaði hefur umbreytt frammistöðu leikmanna. Tæknibúnaður hefur einnig orðið ómissandi hluti af knattspyrnu. GPS tæki fylgjast með hreyfingu leikmanna á vellinum og hægt er að sjá og meta líkamsástand leikmanna út frá mælingum og allskyns tæknibúnaði. Viðfangsefni rannsóknar var að komast að því hver ávinningur mælinga og notkun tækjabúnaðar í knattspyrnu getur haft áhrif á frammistöðu og líkamlegt ástand leikmanna í Bestu deild karla á Íslandi. Tekin voru fimm viðtöl við styrktarþjálfara liða í Bestu deildinni og rannsakað var hvaða búnað og mælingar notast er við yfir heilt tímabil í knattspyrnu. Mismunandi var hvaða búnað og mælingar lið voru að nota og spilaði fjármagn stóran hlut í því hvað hver og einn var að vinna með. Niðurstöður sýna það að þjálfarar eru mikið að vinna með sama búnað í mælingum en horfa mismunandi á breytur og hvernig unnið er út frá mælingum. Þjálfarar voru sammála um það að vitundarvarkning er í styrktarþjálfun og tæknibúnaði og eru mælingar og notkun búnaðar í jákvæðri þróun hér á landi.