Hugleiðingar um heiðarleika brútalismans versus óheiðarleika stælinga (e. Pastiche) í byggðu umhverfi

Abstract

Í þessari ritgerð er fjallað um brútalismann og sögulegt samhengi sem hugsjónir hreyfingarinnar spretta upp frá. Tekið er húsið Robin Hood Gardens sem dæmi brútalismans en stuðst er við skilgreiningar arkitektúrssagnfræðingsins Reyner Banham. Síðan er rýnt í hugmyndir stælinga, með vísun í ítalska rithöfundinn Umberto Eco og bók hans Travels in Hyperreality, ásamt því að einblína á nærtækasta dæmi stælinga hér á landi, nýja miðbæinn á Selfossi. Í þeim kafla er notast við nýlegt viðtal sem höfundur tók við Sigurð Einarsson, arkitekt og hönnunarstjóra nýja miðbæjarins. Fyrir vikið eru hreyfingarnar, sem og byggingarnar, lagðar að jöfnu við heiðarleika og óheiðarleika, en um ræðir brútalisma annars vegar og stælingar (e. Pastiche) hins vegar. Að lokum er spurningunni svarað sem hljóðar svo: Ef talað er um heiðarleika í samhengi brútalismans, er hægt að tala um óheiðarleika í samhengi stælinga (e. Pastiche)?