Eining : Astrid Ellingsen, brautryðjandi í prjónahönnun

Abstract

Gullarmbönd upp allan handlegginn sem glömruðu á meðan prjónarnir voru á lofti, einingar í rúðublokk.Langamma mín hún Astrid Ellingsen var brautryðjandi í prjónahönnun á Íslandi og starfaði sem prjónahönnuður alla sína tíð. Amma var stór og litríkur karakter. Einingar urðu að munstri sem líkja má við fjölskyldutré. Farið er í ferðalag og form og litir nýttir til frásagnar. Flík verður að grafísku formi og ný upplifun á prjónamynstri verður til. En hvernig? Hún horfði á munstrin sem flík en ég horfi á þau sem grafískt form. Með því að taka hennar einingar áfram verður til sameining og úr verður til ný heild. Mín túlkun á hennar ævi. Einingar langömmu halda áfram að vaxa, þær endurnýjast og lifa.