Starað í sólina

Abstract

Hér verður til umfjöllunar lokaverk mitt í hljóðfæratónsmíðum, SÓLVERK, sem flutt var á útskriftartónleikum í Hátíðarsal FÍH sunnudagskvöldið 12. maí 2024. Verkið er samið fyrir tvískipta spunasveit skipaða 15 flytjendum og er á bilinu 40-60 mínútur í flutningi. Ég byrja á að útskýra í stuttu máli nokkra lykilþætti í tónsmíðinni sem snúa að formi og nálgun. Þar eftir fjalla ég stuttlega um notkun mína á spuna, innblástur og áhrifavalda og loks velti ég fyrir mér hvað hefði getað farið betur og spái í næstu skrefum.