Þrá

Abstract

Þrá er samansafn verka fyrir blandaðan kór, orgel, píanó, flautu, óbó, englahorn, klarinett, selló, og mezzo sópran, flutt í Langholtskirkju 4. maí 2024. Verkin sýna persónulegar hliðar og stílbrögð tónskáldsins, og koma saman sem sannfærandi heild. Tónlistin er angurvær, tónal, og lagræn, með áherslu á tengingu hljóma, tvöfalda þríhljóma, kontrapunkt, þagnir, og þrástef. Kannað verður tónmál, innblástur, aðferðir, og form. Þrátt fyrir að verkin séu ólík að áferð og efnivið má finna þemu og tilvitnanir innan þeirra sem ýta undir tilfinningu fyrir heild.