„Þarf allt að snúast um mig?“ : framsetning kvenpersóna úr Mávinum eftir Anton Tsjekhov í samhengi við sáltækni Stanislavskí og nútímann

Abstract

Í þessari ritgerð eru teknar til skoðunar hugmyndir og aðferðir Stanislavskí um vinnu leikstjórans með leikaranum með tilliti til sáltækninnar (e. the psycho-technique) og hugmynda hans um sjálfið. Hugmyndir hans og aðferðir verða skoðar með tilliti til femínískra sjónarmiða og framsetning kvenpersóna skoðaðar í því samhengi. Í fyrsta hluta er farið yfir feril og arfleifð Stanislavskí og framlag hans til leiktúlkunarkennslu hins vestræna heims og hvernig aðferðir hans hafa verið þróaðar áfram. Í öðrum hluta er sjálfið skoðað með tilliti til þeirra hugmynda sem Stanislavskí hafði um það og aðferða sem hann notaði í leiktúlkun með tilliti til þess. Þá er fjallað um gagnrýni á viðhorf og aðferðir Stanislavskí með tilliti til realískrar leiktúlkunar og femínískra sjónarmiða. Að lokum er framsetning Írenu og annarra kvenpersóna úr Mávinum eftir Anton Tjsekhov skoðuð með tilliti til aðferða og viðhorfa sem hafa sprottið út frá aðferðum Stanislavskí og þær settar í samhengi við nútíma hugmyndir í vestrænu samfélagi.