Glósubók Gunnars : vefur með kennslumyndum í stærðfræði

Abstract

Lokaverkefni þetta til B.Ed.-prófs við Deild faggreinakennslu á Menntavísindasviði Háskóla Íslands er annars vegar kennsluvefurinn Glósubók Gunnars með texta- og myndbandsskýringum í stærðfræði og hins vegar greinargerð þar sem fjallað er um notagildi vefsins í fræðilegu ljósi, hugmyndir, rök og vinnu að baki honum. Á vefnum eru skýringar á hugtökum og aðferðum í rúmfræði ætlaðar grunnskólanemendum á unglingastigi. Markmið með vefnum er að vera hjálpleg stoð fyrir nemendur og kennara, jafnt við nám og kennslu innan veggja kennslustofunnar og í heimanámi nemenda. Í greinargerð er farið yfir hvernig notkun ýmiss konar kennslumyndbanda í stærðfræði getur gagnast nemendum og farið yfir helstu kosti þess fyrir kennara að nýta slík myndbönd í sinni kennslu. Rætt er stuttlega um tæknivæðingu í skólastarfi, tölvustutt nám, blandað nám og vendikennslu í því ljósi. Vefurinn sem námstæki gagnast ekki síst við heimanám nemenda fyrir tilmæli kennara eða frumkvæði nemenda sjálfra en hann má einnig nýta sem með ýmsu móti sem náms- og kennslugagn á vettvangi skólans. Vefurinn með myndböndum, skýringum og greinargerð hefur verið birtur á vefslóðinni http://glosubokgunnars.com og skjáskot af síðum hans má sjá í viðauka með greinargerðinni.