Hvað gerir samfélagsgreinakennarinn?

Abstract

Í verkefni þessu er fylgst með þremur samfélagsgreinakennurum til að varpa ljósi á hvernig kennsluaðferðir og námsmat er nýtt í samfélagsgreinakennslu, það mætti jafnvel segja að spurt hafi verið „hvað gerir samfélagsgreinakennari?“. Til hliðsjónar er farið yfir þróun samfélagsgreinakennslu í gegn um aðalnámskrár og áhrif hennar á áherslur samfélagsgreinakennara. Einnig var rýnt í hvort einhver áhrif fræðimanna á borð við Tyler og Stenhouse væru sýnileg í kennslu í dag þar má nefna sem dæmi um hvort hæfniviðmið væru fyrirfram sett eður ei. Þegar fylgst var með samfélagsgreinakennurum þá voru heimsóttir þrír mismunandi skólar þar sem þessir kennarar störfuðu. Fylgst var með störfum þeirra og samskiptum við nemendur. Niðurstöður sýna að mismunandi aðstæður skólanna og mismunandi bakgrunnur kennara hafa mikil áhrif á áherslur kennslunnar. Kennsluaðferðir eru að mestu í samræmi við ráðlagðar aðferðir aðalnámskrár þótt fjölbreytni sé til staðar. Námsmat er mismunandi eftir aðstæðum en áherslur hvers samfélagsgreinakennara er stór þáttur í þeim mismun sem var til staðar á milli kennara.