Birta : greinagerð um barnabók til að efla sjálfsmynd ungra barna með ADHD greiningu á aldrinum fimm til átta ára

Abstract

Það er margt sem bendir til þess að sjálfsmynd barna með ADHD sé bjagaðri en hjá öðrum börnum, en léleg sjálfsmynd getur leitt til kvíða eða þunglyndis á unglings- og fullorðinsárunum. Lokaverkefni þetta samanstendur af fræðilegri greinargerð auk barnabókarinnar Birtu sem ætluð er börnum á aldrinum fimm til átta ára. Greinagerð þessi fjallar um birtingarmynd sjálfsmyndar ungra barna með ADHD og þær aðferðir sem kunna að hjálpa foreldrum og forráðamönnum til við eflingar á sjálfsmynd þeirra. Markmiðið með greinagerðinni er að skoða hvernig ADHD birtist hjá ungum börnum og hvernig áhrif það kann að hafa á sjálfsmynd þeirra. Fjallað er almennt um ADHD röskunina og hvernig hún birtist hjá ungum stúlkum samanborið við drengi. Einnig er varpað ljósi á mikilvægi þess að stelpur fái greiningu á réttum tíma. Rannsóknir hafa sýnt að strákar greinast í meiri mæli með ADHD heldur en stelpur og fá fyrr greiningu. Tilgangur bókarinnar er að auka bæði fræðslu til barna og umræðu um málefnið. Í bókinni er að finna umræðuspurningar sem kunna að vekja börn til umræðu um bæði ADHD og sjálfsmyndina. Niðurstöður benda til þess að snemmgreining á ADHD og leiðandi uppeldishættir hafa jákvæð áhrif á sjálfsmynd barna.