Hvað finnst húsdýrum gaman og gott að gera? : greinargerð um bók með PCS myndum

Abstract

Á Íslandi fjöldi leikskólabarna af erlendum uppruna alltaf að aukast. Öll börn eiga rétt á að geta tjáð sig og þá þarf að finna fjölbreyttar leiðir til þess. Því var ákveðið að gera bók með PCS myndum. Markmiðið með bókinni er að hjálpa fjöltyngdum börnum í leikskóla að læra íslensku. Bókin er skrifuð í formi myndtákna/tákna, sem eiga að auðvelda skilning á textanum. Þessi barnabók býður upp á skemmtilega leið til að læra íslensku. Í greinargerðinni er eftirfarandi rannsóknarspurningu svarað: Hvernig getur bók með PCS myndum hjálpað fjöltyngdum börnum að læra íslensku? Þátttakendur í rannsókninni voru fjögur börn sem tóku þátt í fjórar vikur til að athuga hvort bókin myndi hjálpa þeim að læra íslensku. Börnin eru frá Slóvakíu - Tékklandi, Póllandi, Úkraínu og Kamerún og þau eru öll á sama leikskóla. Hvert og eitt barn fékk 10-15 mínútur í þjálfun á hverjum degi. Niðurstöður rannsóknarinnar sýndu að eftir fjórar vikur, gátu börn lesið sögurnar sjálf á íslensku og endursagt þær til dæmis fyrir fullorðna. Börnin voru ánægð með að geta gert þetta sjálf og fengu þannig innri hvatningu og jákvætt viðhorf til lestrar og íslenskunáms.