Tví- og fjöltyngd börn : greinargerð ætluð forráðamönnum og börnum þeirra sem eru að flytja inn í nýtt samfélag og hefja skólagöngu hér á landi

Abstract

Lokaverkefni þetta samanstendur af bæklingi sem undirritaðar tóku saman ásamt greinargerð. Verkefnið er til B.Ed. – prófs í kennslufræði við Menntavísindasvið Háskóla Íslands og er vægi þess 10 einingar. Verkefnið sem hér er til umfjöllunar er í tveimur hlutum. Annars vegar bæklingur sem er ætlaður forráðamönnum og börnum þeirra sem eru fjöl- eða tvítyngd, ásamt þeim sem hafa áhuga á að kynna sér málefni tví- og fjöltyngdra einstaklinga. Markmiðið með bæklingnum er að varpa ljósi á hvað felst í því að vera tví- og fjöltyngdur og hvaða rétt einstaklingarnir hafa í nýju landi. Hins vegar er svo fræðileg greinargerð sem fjallar um tví- og fjöltyngi og málörvunaraðferðir fyrir innflytjendur ásamt móttöku þeirra hér á landi. Að kynnast nýju samfélagi sem innflytjandi getur reynst þrautin þyngri, það er að mörgu að huga, mismunandi þættir hafa áhrif á aðlögun í nýjum aðstæðum. Forsendur einstaklinganna eru mismunandi og einnig er mismunandi hvernig móttökur þau fá á nýjum stað. Það getur verið margt sem liggur hjá einstaklingunum sjálfum þá má nefna tungumálaerfiðleikar, menntun einstaklingsins, fjölskyldustaða, félagsleg staða og þar eftir götum.