Ákvarðanir um viðhald og framkvæmdir í fjöleignarhúsum með áherslu á 9. tölul. b-liðar 1. mgr. 41. gr. laga nr. 26/1994 um fjöleignarhús

Abstract

Í ritgerðinni er fjallað um ákvarðanir um viðhald og framkvæmdir í fjöleignarhúsum. Áhersla er lögð á 9. tölul. B-liðar 1. mgr. 41. gr. laga nr. 26/1994 um fjöleignarhús. Ákvæðið er bæði margþátta og matskennt sem getur leitt til ágreinings um hvenær það á við. Markmið ritgerðarinnar er að skoða túlkun ákvæðisins í réttarframkvæmd og hvort einhverjar reglur um túlkun þess séu til. Fyrst er farið yfir sögulega þróun fjöleignarhúsa á Íslandi og fjallað almennt um núgildandi lög um fjöleignarhús nr. 26/1994. Svo er fjallað um fjöleignarhús og sameiginleg málefni eigenda þeirra. Að lokum er umfjölluninni beint að áðurnefndum 9. tölulið B-liðar 1. mgr. 41. gr. fjöleignarhúsalaga.