Heilbrigði og vellíðan barna í leikskólastarfi

Abstract

Heilbrigði og vellíðan barna í leikskólastarfi er viðfangsefni þessarar lokaritgerðar. Í fyrsta hluta er fjallað um lykilhugtökin jóga, núvitund, hæglæti og flæði. Annar hluti fjallar um leikskólastarf sem stuðlar að heilbrigði og vellíðan. Í þeim hluta er einnig farið yfir hlutverk kennara ásamt því að skoða hvernig börn skilgreina vellíðan. Rannsóknarspurningin sem lagt var upp með að svara er: „Hvernig er hægt að stuðla að heilbrigði og vellíðan leikskólabarna?“. Fara má margvíslegar leiðir að því að stuðla að því en hér verður lagt áherslu á að skoða hvernig hægt er að nota jóga, núvitund, hæglæti og flæði í leikskólastarfi með börnum. Íslensk börn eyða stærsta hluta dagsins í leikskólanum og því er óhætt að segja að kennarar og starfsfólk leikskólans spili stórt hlutverk í bæði heilbrigði og vellíðan þeirra.