Ég er sko vinur þinn : námskeið í vináttuþjálfun fyrir 6-9 ára börn

Abstract

Það að eignast vini og vera vinur annarra er eitthvað sem er ekki öllum sjálfgefið og mörg börn þurfa aðstoð og þjálfun í vináttufærni. Verkefni þetta skiptist í tvo hluta, greinargerð annars vegar og námskeið í vináttufærni hins vegar. Í greinargerðinni er varpað ljósi á mikilvægi vináttu og hvað hægt er að gera til þess að hjálpa þeim börnum sem eiga í erfiðleikum með vináttu. Námskeiðið „Ég er sko vinur þinn“ er ætlað börnum á aldrinum 6-9 ára og er hannað með notkun á frístundaheimilum í huga. Efni og innihald námskeiðsins byggir að mestu á reynslunámi og skipulögðum leik. Námskeiðið er sett upp sem átta skipti, hver tími er 40 mínútur í senn. Á námskeiðinu fá börn fræðslu um vináttu, hvað það þýðir að vera vinur, hvað það er sem þátttakendur á námskeiðinu eiga sameiginlegt, samvinnu og hjálpsemi, mikilvægi þess að öll fái að vera eins og þau eru og að lokum er fjallað um skaðsemi eineltis.Lykilorð: Börn, Vinátta, Vináttuþjálfun, frístundaheimili.