Í hvernig jarðveg ræktum við skilning nemenda: Forhugmyndir barna gagnvart pöddum og plöntum og hvernig þær hugmyndir hafa áhrif á nám þeirra

Abstract

Markmið þessarar ritgerðar er að fjalla um forhugmyndir barna á pöddum og plöntum og hvernig þær forhugmyndir hafa áhrif á skilning barna á náttúrunni. Hugmyndir barna gagnvart pöddum og plöntum verða teknar fyrir í þessari ritgerð þar sem að þessi náttúrufyrirbæri eru mjög algeng í náumhverfi okkar en skilningur almennings á þeim er yfirhöfuð lítill. Skoðað var fyrri rannsóknir og rit þar sem fjallað er um forhugmyndir barna og sérstaklega þá í sambandi við hugsmíðahyggjuna sem felur í sér þá hugmynd að fyrri hugmyndir barna á viðfangsefni móta framtíðar nám barnanna um það viðfangsefni. Því er mikilvægt fyrir kennara að vera meðvitaðir um forhugmyndir og áhrif þeirra til þess að tryggja það að skilning og lærdómur skili sér sem best til nemenda.Litið var á niðurstöður úr ýmsum rannsóknum á þekkingu barna á pöddum og plöntum og þær sýndu að börn hafa ýmsar hugmyndir um þessi fyrirbæri sem standast ekki vísindaleg rök. Rannsóknir á kennaranemum og háskólanemum sýna hins vegar að skilningur þeirra er þó ekki marktækt meiri en barnanna og því sést að kennsla barna á náttúru er annað hvort óskilvirk eða ónægileg.