Áhrif fjölmiðla á umfjöllun um knattspyrnu: Félags- og menningarlegir þættir, orðræða og birtingarmyndir

Abstract

Þessi ritgerð byggir á fræðilegri og almennri heimildasamantekt. Fjölmiðlun í kringum knattspyrnu hefur margfaldast á síðastliðnum árum, fyrst með sjónvarpi og útvarpi en seinna með Internetinu, hljóðvarpi og samfélagsmiðlum. Markmiðið er að skoða umfjöllun fjölmiðla um knattspyrnu, orðræðu á milli landa og hvort félags- og menningarlegir þættir hafa áhrif þar á. Orðræðan snýst oft að húðlit, kyni eða trúarbrögðum. Rasísk orðræða er oft lúmsk og óbein. Mikilvægi kenninga er óumdeilt en þær geta útskýrt af hverju eitthvað gerist og einnig hvers vegna það gerist. Síðastliðinn áratug hefur það verið rætt að umfjöllun fjölmiðla um kvennaíþróttir sé ábótavant. Einnig hefur á það verið bent að umræða um kvennaíþróttir sé að einhverju leyti öðruvísi en í íþróttum karla þar sem fjölmiðlar notist við skipulagða orðræðu, eins og kynjamerking og einblína á ríkjandi kvenlega eiginleika. Knattspyrna er efnahagslegt, félagslegt og pólitískt fyrirbæri sem fjölmiðlar nota með orðræðu sinni til að sýna hvernig þjóðmenningin er í hverju landi og hugmyndafræði fjölmiðla hefur mikil áhrif á umræðuna og landslaghennar. Með innkomu samfélagsmiðla hefur íþróttafréttamennska breyst. Í stað þess að fá upplýsingar um íþrótt sína í gegnum aðra miðla eins og fréttablöð, sjónvarp og útvarpsstöðvar veita samfélagsmiðlar nú sömu upplýsingar eins og greiningu leikja og úrslit þeirra nema á hraðan og skilvirkan máta.