Foreldrafærni: Reynsla foreldra af námskeiðinu Barnið komið heim

Abstract

Einn af stærstu viðburðum í lífi hverrar manneskju er fæðing fyrsta barns. Þessum lífsskeiðaviðburði fylgja miklar breytingar fyrir parið. Gerð var rannsókn með það að markmiði að skoða upplifun foreldra af námskeiðinu Barnið komið heim og hvernig námskeiðið nýttist þeim í uppeldishlutverkinu og í parsambandinu. Með námskeiðinu er reynt að hjálpa væntanlegum foreldrum að öðlast aukna þekkingu og nauðsynlega hæfni til að takast á við þær breytingar sem verða á parsambandinu í kjölfar barneigna. Námskeiðið er forvarnarmiðað og byggt á vísindalegum grunni. Niðurstöður rannsóknarinnar sýndu að þátttakendur voru almennt nokkuð ánægðir með námskeiðið í heild sinni og höfðu nýtt sér það að einhverju leyti í samskiptum sín á milli og við börn sín. Flest pörin lýstu því sem mikilli en jákvæðri breytingu að eignast barn en töldu álagið sem því fylgir meira en þau áttu von á. Þau voru flest meðvituð um þetta aukna álag og reyndu að tileinka sér aðferðir sem kenndar voru á námskeiðinu til að takast á við það. Niðurstöður benda einnig til þess að mikilvægt sé að fræðsla sem þessi sé gjaldfrjáls og er það ein forsenda þess að hún sé aðgengileg sem flestum.