is Íslenska en English

Lokaverkefni (Bakkalár) Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/4883

Titill: 
  • Ákvörðun refsingar í málum vanaafbrotamanna
Námsstig: 
  • Bakkalár
Útdráttur: 
  • Í ritgerð þessari verður fjallað um vanaafbrotamenn sem einnig þekkjast sem síbrotamenn og kannað hvernig refsing er ákvörðuð í málum þeirra. Leitast verður við að gera grein fyrir því hvað vanaafbrotamaður er, hvaða reglur reynir á og hvaða úrræði eru til staðar þegar kemur að þessum flokki afbrotamanna.
    Ákvörðun dómara um refsingu í tilteknu máli er mikilvæg ákvörðun, miklir hagsmunir eru í húfi og því óhætt að segja að um vandasamt verk sé að ræða. Farið verður yfir refsingar almennt og hvað það er sem hefur áhrif á ákvörðun refsingar í málum vanaafbrotamanna. Það er sjaldan sem vanaafbrotamenn eiga sér einhverjar málsbætur og því mun umfjöllunin beinast að þeim heimildum almennra hegningarlaga nr. 19/1940 um refsihækkun og refsiþyngingu. Til frekari skýringar á fræðilegri umfjöllun verða dómar Hæstaréttar hafðir til hliðsjónar og þannig reynt að draga fram rétta mynd af réttarframkvæmdinni.
    Í leitarvél Hæstaréttar koma upp 33 dómar þegar orðinu „vanaafbrotamaður“ er slegið inn. Af þessum 33 dómum er ýmist að finna auðgunarbrot, umferðarlagabrot og fíkniefnalagabrot. Flest þessara mála eru þjófnaðarmál, eða 25 mál, 14 umferðarmál, og 7 fíkniefnamál. Í mörgum þessara mála er um fleiri en eitt brot að ræða, t.d. þjófnaður og fjársvik eða ölvunarakstur og akstur án ökuréttinda. Í ritgerðinni mun umfjöllunin einungis beinast að auðgunarbrotum, eða þau brot sem falla undir XXVI. kafla hegningarlaganna.

Athugasemdir: 
  • Ritgerðin er lokuð til janúar 2011
Samþykkt: 
  • 3.5.2010
URI: 
  • http://hdl.handle.net/1946/4883


Skrár
Skráarnafn Stærð AðgangurLýsingSkráartegund 
Ákvörðun refsingar í málum vanaafbrotamanna.pdf319.23 kBOpinnHeildartextiPDFSkoða/Opna
Forsíða.pdf123.14 kBOpinnForsíðaPDFSkoða/Opna