Áhrif gervigreindar á bókhald og reikningsskil

Abstract

Gervigreind (e. Artificial Intelligence– AI) hefur haft mikil áhrif á þróun bókhalds og reikningsskila með því að innleiða sjálfvirkar lausnir sem auka skilvirkni, bæta nákvæmni og draga úr mannlegum mistökum. Í þessari ritgerð er fjallað um hvernig gervigreind hefur breytt hefðbundnum ferlum í bókhaldi og reikningsskilum og hvaða áhrif þessi tækni hefur haft á störf og hæfniskröfur í þessum starfsþáttum. Sérstök áhersla er lögð á hvernig sjálfvirknivæðing ferla, gagnaúrvinnsla og spálíkön geta auðveldað ákvarðanatöku og bætt rekstrarárangur.Ritgerðin skoðar einnig þær áskoranir sem fylgja notkun gervigreindar eins og öryggis- og persónuverndarmál, auk lagalegra þátta sem snúa að ábyrgð og gegnsæi. Þá er einnig greint frá helstu kostum gervigreindar, svo sem tímasparnaði, nákvæmni og aðgengi að rauntímaupplýsingum, sem geta styrkt fyrirtæki í samkeppni og bætt rekstur þeirra.Markmið ritgerðarinnar er að kanna hvernig gervigreind hefur breytt bókhaldi og reikningsskilum, draga fram þau tækifæri sem tæknin skapar og greina þær áskoranir sem þarf að yfirstíga til að hámarka notkun hennar í framtíðinni.