Tómlegar stundir og tálsýn neysluhyggjunnar

Abstract

Erum við hvergi laus úr greipum neysluhyggjunnar? Tómstundir eru fjölbreyttar og margslungnar, þær gerast ekki í tómi og því hefur menning innan samfélaga áhrif á þær. Ýmsar vísbendingar eru um að neysluhyggja sé ríkjandi menning í vestrænum heimi en öllum manneskjum steðjar ógn af henni á margbreytilegan hátt. Mikilvægt er því að leita skapandi leiða til þess sporna gegn henni. Þessi greinargerð ásamt handbókinni Mínar bestu stundir eru 10 eininga lokaverkefni til BA gráðu í tómstunda- og félagsmálafræði. Markmið greinargerðarinnar er að varpa ljósi á tómstundir í nútímasamfélögum, áhrif neysluhyggju á tómstundir, jákvæða sálfræði og tómstundamenntun og samspili þessara þátta. Handbókin Mínar bestu stundir er ætluð fólki á aldrinum 18 – 40 ára og er hún skrifleg handbók sem leiðir fólk í gegnum ýmiss konar sjálfsígrundandi verkefni. Þau byggja að mestu leyti á hugmyndafræði tómstundamenntunar og jákvæðrar sálfræði. Markmið handbókarinnar er að stuðla að sjálfstæði fólks í tómstundaiðkun þeirra og efla félagstengsl með þátttöku í tómstundum sem endurspeglar þeirra innra sjálf, styrkleika, gildi og ástríðu.