Lífsmiðjan: Vefsíða ætluð lífsleiknikennslu á miðstigi

Abstract

Þetta lokaverkefni samanstendur af vefsíðunni Lífsmiðjan sem og meðfylgjandi fræðilegri greinargerð. Markmið vefsíðunnar er að mæta þörfum kennara að aðgengilegu og notendavænu kennsluefni í lífsleikni á miðstigi grunnskóla. Höfundar veltu meðal annars fyrir sér hvernig væri hægt að auðvelda aðgengi kennara að upplýsingum í kennslu þar sem kennarar í nútímasamfélagi leita margir fremur að efni á internetinu í stað þess að styðjast við verkefnabækur eða annarskonar kennsluefni vegna þröngs tímaranna sem þeim er settur. Höfundar hönnuðu því einfalda og notendavæna vefsíðu, sem fékk nafnið Lífsmiðjan. Hún inniheldur upplýsingar, leiðbeiningar, verkefni og leiki sem kennarar geta nýtt sér við kennslu lífsleikni. Val upplýsinga, verkefna og leikja fór fram með fyrirliggjandi rannsóknum, þekktum kennsluaðferðum, kennsluhandbókum, hæfniviðmiðum Aðalnámskrár grunnskóla sem og persónulegri reynslu höfunda til hliðsjónar. Lífsmiðjan er hönnuð til að vera í sífelldri þróun og markmið höfunda er að uppfæra grunn vefsíðunnar reglulega og sömuleiðis upplýsingar, verkefni og leiki á síðunni til þess að tryggja notagildi hennar. Kennarar hafa lýst yfir þörf á námsefni á þessu formi og þannig spratt hugmyndin að gerð Lífsmiðjunnar.