Taumur líðandi stundar: Um tíma og endurtekningar í ljósmyndum Bærings Cecilssonar

Abstract

Í þessari ritgerð eru ýmsar birtingarmyndir endurtekninga ræddar og nokkrum helstu hugmyndum fræðimanna um ljósmyndir gerð skil. Í fyrsta hluta er hugtakið endurtekning skilgreint út frá hugmyndum heimspekingsins Sörens Kierkegaards, og sú skilgreining svo borin saman við skrif bókmenntafræðingsins Walters Benjamins um fjölda¬framleiðsluna og menningu henni tengdri. Hugmyndir Walters Benjamins um ljósmyndina eru einnig til umræðu, og þær tengdar skrifum annarra bókmennta¬fræðinga, Rolands Barthes og Susan Sontag.Annar hluti ritgerðarinnar fjallar um birtingamyndir endurtekningarinnar í listum, og nefnd eru sem dæmi ljósmyndir Sherrie Levine og Einars Fals Ingólfssonar.Þriðji hluti ritgerðarinnar er kynning á ljósmyndaranum Bæring Cecilssyni, ævi hans og umhverfi, sem og á þeim fjölda ljósmynda sem hann skildi eftir sig og varðveittar eru á Bæringsstofu, safns er stofnað var í minningu hans.Í fjórða hluta er fjallað um ljósmyndir Bærings, hluta þeirra skipt upp í fimm flokka og þær ræddar út frá þeim hugmyndum og hugtökum sem gerð eru skil í fyrsta hluta ritgerðarinnar.Í lokin er ritgerðin dregin saman í hnotskurn og imprað á aðalatriðum hennar.