Gervigreind og vinnumarkaður: Breytingar á menntunar- og hæfniskröfum með tilkomu gervigreindar

Abstract

Gervigreind hefur á undanförnum árum haft mikil áhrif á bæði vinnumarkað og menntakerfi. Áhrifa vegna þessa hefur gætt út um allan heim. Í þessari ritgerð er farið yfir það hvernig fyrirtæki og stofnanir hafa breytt kröfum um menntun og hæfni starfsfólks vegna tilkomu gervigreindar og sjálfvirknivæðingar og hvernig tæknileg, skapandi og greiningartengd hæfni hefur orðið eftirsóttari. Í ritgerðinni er gert grein fyrir því hvað gervigreind er og hvernig hún er notuð í dag. Einnig eru skoðuð siðferðileg álitmál sem tengjast gervigreind og sjálfvirknivæðingunni í tengslum við persónuvernd og félagsleg áhrif. Niðurstöðurnar sýna að þessi nýja tækni krefst meiri sveigjanleika og stöðugrar þróunar í hæfni og þekkingu. Þar af leiðandi þurfa menntastofnanir hér á landi og um heim allan að þróa námsleiðir sem undirbúa nemendur undir störf framtíðarinnar með áherslu á símenntun og tæknilæsi. Það er einnig farið yfir áhrif gervigreindar á ýmsar atvinnugreinar á Íslandi og hvernig þær hafa þurft að aðlagast nýjum tólum og nýrri tækni. Með þessari þróun skapast ný störf sem krefjast meiri sérhæfingar og önnur störf víkja. Á sama tíma hefur gervigreindin aukið ójöfnuð meðal þeirra sem hafa ekki aðgang að endurmenntun eða tæknilegri þjálfun. Markmið ritgerðarinnar er að varpa ljósi á það hvernig þessi nýja tækni hefur haft áhrif á menntunar- og hæfniskröfur og hvernig brugðist hefur verið við.