Slembival Mendels: Áhrif fjölvirkni á að meta orsakasambönd

Abstract

Slembival Mendels (SM) er öflug rannsóknaraðferð sem er notuð til að meta orsakasambönd milli áhættuþátta og sjúkdóma með því að nýta erfðabreytileika sem hjálparbreytur. Aðferðir eins og SM geta verið gagnlegar í líffræðilegum rannsóknum þar sem stýrðar tilraunir eru oft ómögulegar eða siðferðislega rangar. Að auki er notkun þessara aðferða sífellt algengari eftir því sem aðgengi að stórum erfðagagnasöfnum eykst. Helsti kostur SM er sá að hann veitir nánari upplýsingar um orsakasambönd. Hins vegar er nauðsynlegt að hafa í huga forsendur aðferðarinnar, því ef þær eru ekki uppfylltar þá getur það leitt til rangrar notkunar á aðferðinni og veitt villandi niðurstöður. Í þessu verkefni eru kynntar helstu forsendur og mismunandi tölfræðilegar aðferðir til að meta og leiðrétta fyrir áhrifum fjölvirkni til að greina áreiðanlegar niðurstöður með SM.