Arion banki: Brottfallslíkan fyrir þjónustuþætti

Abstract

Verkefnið fólst í að rannsaka hvort tæknilega væri hægt að þróa spálíkan fyrir Arion banka sem metur líkur á brottfalli viðskiptavina úr tilteknum þjónustuþáttum. Tilgangurinn var að veita innsýn í hvaða viðskiptavinir gætu verið líklegir til að hætta í viðskiptum og styðja þannig við þjónustustýringu og ákvarðanatöku. Unnið var með vélnámsaðferðir í Python og ýmis vélnámslíkön rannsökuð. Lögð var áhersla á rétta forvinnslu gagna, skjalfestingu og skýrt verklag. Verkefnið var framkvæmt sem hugmyndasönnun og fólst í því að þróa, prófa og meta tæknilega útfærslu slíkra líkangerða. Hópurinn vann samkvæmt Scrum-aðferðafræði með reglulegum fundum, áhættumati og áfangaskilum í gegnum allt verkefnið.