Hið gróteska og dýrslega eðli mannsins

Abstract

Í þessari ritgerð skoða ég tenginguna á milli hins gróteska og hins dýrslega í eðli mannsins. Ég rýni í verk mín og einkasýninguna ( ) og skoða hvernig þessi viðfangsefni koma fram í minni myndlist og annarra. Greini frá vinnuferli mínu í mismunandi miðlum og hvernig aðrir listamenn hafa haft áhrif á mína sköpun. Viðfangsefnin, gróteskan og dýrseðlið, eru sett fram á fræðilegum grunni sem byggist á ritum Mikhail Bakhtins, Kenneth R. Miller og Wolfgang Keyser. Þessum viðfangsefnum er lýst í dæmum um myndlistarverk og upplifun minni á þeim ásamt þróun minni sem myndlistarmanns. Ritgerðin sýnir fram á að án eðlishvatana væri engin gróteska. Hið dýrslega eðli er mannlegt og manneskjan er í sjálfu sér hið góða og hið illa — gróteskan. Ritgerðin fléttir saman mikilvægi gagnrýni og skynjunar manneskjunnar á umheiminum — ljótleiki og fegurð í senn. Áhugi minn liggur á milli tveggja heima sem ég blanda saman til þess að mynda eitthvað nýtt/annað. Tilveran sjálf er heillandi en erfið og ég skoða hvernig samfélagsleg gildi eiga það til að hindra frelsið. Jafnvel þó að þau séu nauðsynleg, samanber líffræðileg kerfi, líkaminn og náttúran, sem endurspegla hvort annað og verða að einni heild. Skynjun okkar með sál og líkama á hinum ýmsu áferðum sem leiða okkur inn í nýjan heim.