en English is Íslenska

Thesis University of Iceland > Hugvísindasvið > Meistaraprófsritgerðir - Hugvísindasvið >

Please use this identifier to cite or link to this item: http://hdl.handle.net/1946/5149

Title: 
  • is Menntun eða afmenntun? Grunnskólinn í ljósi þriggja menntakenninga
Abstract: 
  • is

    Eftirfarandi ritgerð fjallar um menntunarhugtakið. Um það verður fjallað út frá
    sjónarhóli nemenda í grunnskólum. Sjónum verður sérstaklega beint að andstæðu
    menntunar eða afmenntunar. Þá verður leitast við að rýna í þrjár menntakenningar með
    hliðsjón af kenningunni um afmenntun og varpa gagnrýnu ljósi á aðalnámskrá
    grunnskóla.
    Menntunarhugtakið verður skilgreint út frá þremur menntakenningum,
    mannkjarnakenningu Guðmundar Finnbogasonar og Páls Skúlasonar, reynslukenningu
    John Dewey og hamingjukenningu Nel Noddings. Þá verða markmið aðalnámskrár
    grunnskóla borin saman við markmið kenninganna. Það lítur út fyrir að markmið
    aðalnámskrár snerti ekki raunverulega stöðu allra nemenda heldur miðist við nokkuð
    einsleitan nemendahóp sem nýtur velgengni í bóklegum fögum. Hinir öðlast ekki
    menntun heldur stundum afmenntun.
    Birtingarmyndir afmenntunar innan grunnskólans eru í formi ‚sjúkdómseinkenna‘ hjá
    nemendum, til dæmis námsleiða, kvíða eða táknbundins ofbeldis. Þau einkenni gefa til
    kynna að það þurfi að huga betur að grunninum. Fjallað verður um afmenntun út frá
    þremur sjónarhornum. Í fyrsta lagi út frá sambandi nemanda og námsefnis, í öðru lagi út
    frá félagslegu sambandi og í þriðja lagi út frá samhengi skóla og samfélags og áhrifum
    þess á nemandann.
    Tilraun verður gerð til þess að leita orsaka afmenntunarinnar með því að rýna aftur í
    kenningarnar í ljósi afmenntunar. Gagnrýni umfjöllunarinnar beinist að viðhorfum sem
    annarsvegar birtast í aðalnámskrá grunnskóla og hinsvegar birtast þau í þvingunum hins
    hefðbundna náms. Að lokum verða færð fyrir því rök að kenning Noddings um
    hamingjuna og hugmynd Deweys um lýðræðislegan lífsmáta eigi fullt erindi inn í
    aðalnámskrá og geti jafnvel unnið gegn afmenntun.

Accepted: 
  • May 11, 2010
URI: 
  • http://hdl.handle.net/1946/5149


Files in This Item:
Filename Size VisibilityDescriptionFormat 
M-paed.pdf526.8 kBOpenHeildartextiPDFView/Open