en English is Íslenska

Thesis University of Iceland > Félagsvísindasvið > Meistaraprófsritgerðir - Félagsvísindasvið >

Please use this identifier to cite or link to this item: http://hdl.handle.net/1946/5195

Title: 
  • Title is in Icelandic Þekkingarmiðlun
Abstract: 
  • Abstract is in Icelandic

    Hugtökin þekking og þekkingarstjórnun hafa fengið aukið vægi á meðal fræðimanna og stjórnenda á síðustu tveimur áratugum. Hinar ýmsu kenningar hafa komið fram um þekkingarstjórnun og hefur hugtakið notið vaxandi vinsælda á meðal stjórnenda skipulagsheilda.
    Markmið þessarar rannsóknar var að varpa ljósi á þekkingarmiðlun starfsmanna í þekkingarfyrirtæki. Áhersla var lögð á það að rýna í viðhorf og upplifun starfsmanna til þekkingarmiðlunar, þar sem einblínt er á leiðir til varðveislu og miðlunar þekkingar og hvernig hægt er að nýta aðferðir þekkingarstjórnunar við þróun mannauðs.
    Rannsóknin var unnin eftir eigindlegri aðferðafræði og tekin voru viðtöl við 11 starfsmenn fyrirtækisins. Rannsóknin er tilviksrannsókn og varpar hún ljósi á ákveðið tilvik en hefur ekki beint yfirfærslu- eða alhæfingargildi. Þó má draga lærdóm af greiningunni og greina mynstur sem varpar ljósi á og skýrir ferli eða tilvist annarra tilvika. Aðferðin ryður oft á tíðum brautina fyrir frekari rannsóknir.
    Helstu niðurstöður eru þær að þörf er á skýrari stefnumótun varðandi varðveislu og miðlun þekkingar. Skráning og varðveisla þekkingar er ábótavant og greiða þarf götu þekkingarmiðlunar. Skapa þarf aðstæður fyrir samveru og samræðu starfsmanna til þess að miðla leyndri þekkingu. Helstu hindranir í þekkingarmiðlun starfsmanna eru þær að upplýsingaflæði og fundarhöldum er ábótavant. Einnig hafa ýmsir einstaklingsbundnir þættir áhrif, eins og persónuleiki, starfshvatar, viðhorf og venjur starfsmanna.
    Það mátti greina mikinn áhuga þátttakenda á því að efla flæði þekkingar og nýta betur þá þekkingu sem starfsmenn búa yfir, hafa aflað sér í verkefnum og með skipulagðri fræðslu. Þannig má nýta þekkingarauð starfsmanna með markvissum hætti við þróun mannauðs. Koma þarf á skipulagðri þekkingarmiðlun í formi fræðslu innanhúss, þar sem reynslumeiri starfsmenn miðla þekkingu. Með þeim hætti er hægt að mæta þörfum starfsmanna um að bæta við sig þekkingu í starfi og fræðast um efni er tengist þeirra fræðasviði.

Accepted: 
  • May 12, 2010
URI: 
  • http://hdl.handle.net/1946/5195


Files in This Item:
Filename Size VisibilityDescriptionFormat 
ritgerd Lokaskjal.pdf1.17 MBLockedHeidartextiPDF