Áfengi. Kauphegðun

Abstract

Í þessari ritgerð er reynt að varpa ljósi á áhrif verðhækkana og fjárhagslegs samdráttar í efnahagslífinu á kauphegðun fólks við áfengiskaup. Spurt er: „Hvernig hefur kauphegðun neytenda á veitingahúsum, börum og hótelum breyst í kjölfar efnahagssamdráttarins og hækkandi verðs á áfengi?“ og „Hver hafa viðbrögð veitingahúsa, bara og hótela verið við breyttri kauphegðun neytenda?“Fjallað er um efnið almennt en einnig er skoðað hvort merkjanlegar breytingar hafi orðið á áfengisneyslu Íslendinga í kjölfar efnahagshrunsins. Farið er í talsverða greiningarvinnu á tölum frá ÁTVR er varða sölu áfengis hér á landi, bæði undanfarin tíu ár og í kringum kreppuna í efnahagslífinu sem myndaðist á haustmánuðum 2008. Þá eru einnig skoðaðar tölur sem fengust frá tollstjóra yfir gómað smygl á áfengi til aðátta sig á heildarumfangi vínmarkaðarins hér á landi. Þá eru tekin viðtöl við fjóra rekstraraðila með vínveitingaleyfi.Markmiðið með þessari rannsókn er að athuga hvort niðurstöður fáist sem gætu nýst við markaðssetningu á áfengi og hjálpað til við að útskýra kauphegðun neytenda á þessum markaði.