en English is Íslenska

Thesis University of Iceland > Félagsvísindasvið > Meistaraprófsritgerðir - Félagsvísindasvið >

Please use this identifier to cite or link to this item: http://hdl.handle.net/1946/5249

Title: 
  • Title is in Icelandic Framtíðarþróun, úrvinnsla og markaðssetning afurða í skógrækt á Íslandi
Abstract: 
  • Abstract is in Icelandic

    Sviðsmyndagerð er notuð til að fá fleiri víddir í stefnumótun og áætlanagerð og fleiri sjónarhorn á framtíðina út frá mismunandi forsendum, atburðum eða aðstæðum. Breytingastjórnun er aðferðafræði sem nýtist við aðlögun viðhorfa og hegðunar starfsfólks til að styðja við breytingar sem gerðar eru á hlutverki, stefnu, skipulagi, vinnuferlum eða kerfum skipulagsheildar til að ná meiri árangri í rekstri.
    Meginmarkmið verkefnisins er að kanna framtíðarþróun, úrvinnslu og markaðssetningu afurða nytjaskógræktar á Íslandi. Fundin var framtíðarafurð fyrir erlendan markað og lögð til inngönguaðferð á markaðinn. Til að ná markmiðum verkefnis var sett upp sviðsmyndagerð (e. scenario analysis) miðað við mismunandi forsendur. Auk ofangreindra markmiða snerist rannsóknarspurning um áherslur í breytingastjórnun til að fylgja eftir niðurstöðum sviðsmyndagerðar.
    Niðurstaðan sviðsmyndagreiningar var að nytjaskógrækt ætti framtíð fyrir sér og árið 2050 verði hægt að framleiða allt að 10.000 tonn af söguðum við fyrir íslenskan markað auk annars iðnviðar. Bjartsýnasta ályktun er að í nytjaskógrækt felist vísir að stóriðju framtíðar.
    Aðalframtíðarafurðir verða svokallaður borðviður fyrir byggingariðnað og smíðar og iðnviður sem nýtist í ýmsa framleiðslu. Framtíðarafurð fyrir erlendan markað var hágæðapappír til hreinlætisnota. Áhættulítil útflutningsaðferð (e. direct export mode) var lögð til sem inngönguaðferð og starfað með dreifingaraðila með markaðsþekkingu og dreifingarkerfi erlendis.
    Breytingastjórnununar-umræða lagði til að forræði skógræktarmála sameinist í öflugri stofnun sem heyri undir eitt ráðuneyti og byggt á vinnu sem þegar hefur verið unnin á vegum starfshóps landbúnaðarráðherra.

Accepted: 
  • May 12, 2010
URI: 
  • http://hdl.handle.net/1946/5249


Files in This Item:
Filename Size VisibilityDescriptionFormat 
Lokaverkefni [version 13] lokaeintak VStef12may.pdf2.9 MBOpenHeildartextiPDFView/Open