Vetrarferðamennska á Tröllaskaga. Möguleikar og mikilvægi

Abstract

Mikil aukning hefur verið á ferðalögum á Íslandi undanfarin ár. Áberandi er að flest þeirra eiga sér stað á háannatíma sumarsins. Tröllaskagi á Norðurlandi er snjóþungt svæði að vetrarlagi og þar eru uppbyggð skíðasvæði auk fjalllendis sem nýtt er til fjalla- og gönguskíðamennsku sem og vélsleðaaksturs. Í þessari ritgerð er vetrarferðamennska á svæðinu kortlögð og staða og möguleikar svæðisins í þeim málum kannaðir. Með því að byggja upp vetrarferðamennsku á Tröllaskaga er hægt að minnka árstíðasveiflur í ferðaþjónustu á svæðinu og hægt að lengja og styrkja skíðatímabilið með auknu snjóöryggi, en auk sterks skíðalands í háum fjöllum er snjóframleiðsla á skíðasvæðinu á Dalvík nauðsynleg til að viðhalds og lengingar tímabilsins. Ýmsar hugmyndir eru uppi um uppbyggingu á svæðinu og möguleikar til framtíðar því miklir ef rétt er farið að, fjárveitingar og skipulag eru þar mikilvæg atriði.