Þyrlur í ferðaþjónustu: Hvað geta íslenskar þyrluþjónustur lært af þeim nýsjálensku?

Abstract

Markmið rannsóknarinnar er að bera saman á hvaða hátt þyrlur eru notaðar í ferðaþjónustu á Íslandi og Nýja Sjálandi og kanna hvað íslenskar þyrluþjónustur geta lært af þeim nýsjálensku. Löndin eru á margan hátt lík en þyrlu notkun í ferðaþjónustu á Nýja Sjálandi er mun meiri en hérlendis og því áhugavert að rannsaka starfssemi þyrluþjónusta í báðum löndum. Rannsóknin byggist á viðtölum við fjórar þyrluþjónustur á Nýja Sjálandi og tvær á Íslandi. Í kaflanum um túlkun niðurstaðnanna er starfssemi íslensku fyrirtækjanna gagnrýnd og tillögur lagðar fram um það sem mætti gera betur.