en English is Íslenska

Thesis University of Iceland > Félagsvísindasvið > Meistaraprófsritgerðir - Félagsvísindasvið >

Please use this identifier to cite or link to this item: http://hdl.handle.net/1946/5301

Title: 
  • Title is in Icelandic Fjölskyldur - sterkar á heimavelli. Laugarásvegur: Greining og uppeldisráðgjöf. Rannsókn á nýju úrræði á vegum Velferðarsviðs Reykjavíkurborgar
Abstract: 
  • Abstract is in Icelandic

    ,,Laugarásvegur; Greining og uppeldisráðgjöf” er úrræði fyrir fjölskyldur á vegum
    Barnaverndar Reykjavíkur. Það var sett á laggirnar haustið 2008. Um er að ræða
    stuðningsúrræði fyrir fjölskyldur samkvæmt barnaverndarlögum (Barnaverndarlög, 2002).
    Það byggir á nútímaþjónustunálgun samkvæmt þeirri hugmyndafræði að veita þjónustu á
    heimavelli. Markmiðið er að virkja fjölskylduna og styðja hana við uppeldi barnanna. Á
    þann hátt er leitast við að efla bjargir fjölskyldunnar í leit að viðeigandi lausnum.
    Rannsóknin á úrræðinu byggist á eigindlegum aðferðum og er reynslurannsókn.
    Þátttakendur eru fjölskyldur sem notið hafa stuðningsins og ráðgjafar þeirra hjá Barnavernd
    Reykjavíkur, auk tveggja aðila sem komu að undirbúningi úrræðisins. Farið er yfir þróun
    fjölskyldumeðferðar frá hugmyndum módernismans fram að nútímanálgun
    hugsmíðahyggjunnar sem byggir á samsköpun fjölskyldu og meðferðaraðila í krafti
    valdeflingar og lýðræðis. Helstu niðurstöður eru þær að fjölskyldur upplifðu almennt stöðu
    sína og líðan betri eftir þátttöku í úrræðinu og voru almennt jákvæðari heldur en ráðgjafar
    þeirra. Í ljósi markmiða sem lagt var upp með reyndist minni áhersla lögð á
    greiningarþáttinn en vonir stóðu til og meira lagt upp með ráðgjöf og leiðbeiningar til þeirra
    fjölskyldna sem nýttu sér stuðninginn. Í lokin er bent á leiðir til úrbóta sem gætu styrkt
    úrræðið. Lagt er til að efla vægi greiningarþáttarins til viðbótar við þá uppeldisráðgjöf sem
    fer fram. Þá þurfi að gera skilmerkilegri kröfu um menntun starfsfólks úrræðisins og gera
    ráð fyrir að fagaðilar fái handleiðslu varðandi uppbyggingu og framkvæmd úrræðisins.

Accepted: 
  • May 17, 2010
URI: 
  • http://hdl.handle.net/1946/5301


Files in This Item:
Filename Size VisibilityDescriptionFormat 
Audur_og_Helena.pdf1.83 MBLockedHeildartextiPDF