Stjórnmál og stjórnsýsla

Abstract

Umfjöllunarefnið eru tengsl stjórnmála og stjórnsýslu. Kenningar um aðgreiningu eða samstarf stjórnmála og stjórnsýslu byggja á mismunandi forsendum eða afstöðu til tveggja meginþátta: Annars vegar hvert sé umboð aðila í stjórnmálum og stjórnsýslu. Hins vegar hvort, og þá hvernig, hægt sé að aðgreina verksvið þeirra. Í þessari ritgerð eru skoðaðar helstu kenningar um valddreifingu, lýðræðislega stjórnsýslu og aðgreiningu eða samstarf stjórnmála og stjórnsýslu. Leitast verður við að greina hvar kenningarnar draga línu á milli stjórnsýslu og stjórnmála og hvað hún felur í sér. Hér er ekki farið í sérstaka úttekt á íslenskri stjórnsýslu heldur er hún höfð almennt til hliðsjónar. Ritgerðin byggir fyrst og fremst á fræðilegri umræðu um stjórnmál og stjórnsýslu. Aðgreining stjórnmála og stjórnsýslu er flóknari en svo að hún verði einfaldlega framkvæmd með einni línu. Viðhorf, hvatar og umboð til sömu verkefna eru veigamiklir þættir sem væru jafnvel betur til þess fallnir að lýsa aðgreiningu eða samstarfi stjórnmála og stjórnsýslu.