Sálfélagslegar afleiðingar blöðruhálskirtilsbrottnáms og lífsgæði eftir aðgerð

Abstract

Algengt er að karlmenn á besta aldri glími við stækkun á blöðruhálskirtli, hvort heldur er af góðkynja eða illkynja toga. Stækkun á blöðruhálskirtli er oft meðhöndluð með skurðaðgerð, svokölluðu blöðruhálskirtilsbrottnámi. Helstu aukaverkanir eftir aðgerðina eru þvagleki og getuleysi. Þessar aukaverkanir geta svo haft sálrænar og félagslegar afleiðingar í för með sér, til að mynda félagslega einangrun, þunglyndiseinkenni, sjálfsvígshugsanir og erfiðleika í hjónabandinu svo eitthvað sé nefnt. Í ritgerðinni verður leitast við að svara spurningunum hverjar eru sálfélagslegar afleiðingar blöðruhálskirtilsbrottnáms og hver eru lífsgæðin eftir aðgerðina. Til þess að heilbrigðisstarfsfólk geti sinnt þessum mönnum þarf það að kunna skil á þeim erfiðleikum og hindrunum sem þeir takast á við í sínu daglega lífi.