Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/5545
Í þessu verkefni voru áhrif protolichesterinsýru (PA) á krabbameinsfrumur skoðuð. Athugað var hvort PA hefði áhrif á mergæxlisfrumurnar RPMI-8226 og U-266 þannig að það ylli frymisnetsálagi, en til þess var notað próteinþrykk þar sem fósfórun á próteininu elF2α var greind. U-266 frumur sýndu greinilegt frymisnetsálag en ekki fengust fullnægjandi niðurstöður fyrir RPMI-8226. Frumulifun var mæld með MTS aðferð fyrir mergæxlisfrumurnar en með Crystal violet aðferð fyrir brjóstaæxlisfrumurnar SK-BR3. Frumurnar voru þá meðhöndlaðar með PA, og sást að það hafði áhrif á lifun frumnanna. Ekki náðist að prófa hvort PA væri fitusýrusýnthasa (FAS) hindri, en þá er fylgst með oxun á NADPH með ljósmæli. Aðrar rannsóknir hafa sýnt fram á tengsl milli frymisnetsálags og FAS hindrunar svo líklegt þykir að PA sé einnig FAS hindri.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
skýrsla-lok.pdf | 656.27 kB | Opinn | Heildartexti | Skoða/Opna |