en English is Íslenska

Thesis University of Iceland > Heilbrigðisvísindasvið > Meistaraprófsritgerðir - Heilbrigðisvísindasvið >

Please use this identifier to cite or link to this item: http://hdl.handle.net/1946/5580

Title: 
  • is Skimunarlisti fyrir hegðun og líðan barna á grunnskólaaldri. Mat á einkennum ADHD á vídd
Abstract: 
  • is

    Útbúinn var spurningalisti sem innihélt atriði sem spyrja um einkenni athyglisbrests með ofvirkni. Gengið er út frá því að þeir eiginleikar sem
    tengjast röskuninni, það er athygli, sjálfsstjórn og virkni, séu á vídd.
    Markmið rannsóknarinnar er að að athuga hvort svör foreldra normaldreifist þegar atriði eru orðuð þannig að spurt er um eðlilegan þroska barna þeirra. Þessi listi er því frábrugðinn þeim sem mest eru notaðir í mati á hegðunarerfiðleikum að því leyti að atriði eru orðuð jákvætt
    fremur en neikvætt. Þáttabygging listans, inntak þátta, áreiðanleiki, fylgni atriða við heildartölu undirþátta og fylgni atriða innan þátta er skoðað.
    Þátttakendur eru foreldrar barna í fyrsta til fjórða bekk í nokkrum grunnskólum í Reykjavík. Um er að ræða tvær fyrirlagnir þar sem
    breytingar voru gerðar á listanum út frá upplýsingunum sem fyrri
    fyrirlögnin gaf. Listinn sem lagður var fyrir í seinna skiptið innihélt einnig
    neikvætt orðuð atriði sem borin voru saman við þau jákvæðu. Listinn
    innihélt í báðum fyrirlögnum fimm valmöguleika.
    Dreifing flestra atriða í rannsókn I var jákvætt skekkt og voru nokkur atriði
    tekin út þar sem dreifing þeirra var mjög skekkt og/eða þau gölluð að öðru
    leyti. Nokkur atriði normaldreifðust. Þáttagreining gaf þrjá þætti sem gefin
    voru nöfnin Athygli, Virkni/sjálfsstjórn og Skipulagshæfni. Atriðin sem
    tilheyrðu síðastnefnda þættinum tengjast athygli en sett var fram sú
    hugmynd að þau hafi meira með sjálfstal að gera en hin atriði listans sem
    tengjast athygli. Þessi þáttur kom ekki fram í seinni fyrirlögn listans sem
    grefur undan þeirri hugmynd. Áreiðanleiki listans er hár og þáttaskýringar,
    fylgni á milli atriða og fylgni atriða við heildartölu undirþátta er viðunandi.
    Drefing atriða í rannsókn II er einnig skekkt. Nokkur jákvætt orðuð atriði
    og nokkur neikvætt orðuð atriði normaldreifðust. Það sem kemur á óvart er
    að dreifing neikvætt orðuðu atriðanna er ekki skekktari en þeirra jákvætt
    orðuðu. Drefingin var svipuð en skekkjan í hina áttina. Þáttagreining
    jákvætt orðaðra atriða listans gaf tvo þætti sem fengu heitin Athygli og
    Virkni/sjálfsstjórn. Það sama á við um þáttagreiningu allra atriða listans.
    Áreiðanleiki listans er hár og þáttaskýringar, fylgni á milli atriða og fylgni
    atriða við heildartölu undirþátta er viðunandi.
    Þegar staðhæfingar eru orðaðar jákvætt greinir það styrkleika barna en ekki
    aðeins veikleika líkt og þegar staðhæfingar eru orðaðar neikvætt. Í
    framhaldinu þarf að taka ákvarðanir um endurbætur á listanum út frá þeim
    upplýsingum sem þessi rannsókn gefur og leggja hann fyrir í stærra úrtaki
    og fyrir breiðari aldurshóp.

Accepted: 
  • Jun 10, 2010
URI: 
  • http://hdl.handle.net/1946/5580


Files in This Item:
Filename Size VisibilityDescriptionFormat 
26mai_cp_ritg_Berglind.pdf725.89 kBLockedHeildartextiPDF