is Íslenska en English

Lokaverkefni (Meistara)

Háskólinn á Akureyri > Hug- og félagsvísindasvið > Meistaraprófsritgerðir >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/5661

Titill: 
  • Áminningar starfsmanna ríkisins : skv. 21. gr. laga nr. 70/1996
Námsstig: 
  • Meistara
Útdráttur: 
  • Í þessari ritgerð er fjallað um áminningar, sem hægt er að veita ríkisstarfsmönnum,
    skv. 21. gr. stml., og gerð grein fyrir þeim tilvikum, þar sem forstöðumanni
    stofnunnar er skylt að veita ríkisstarfsmanni áminningu.
    Áminning þjónar í raun tvíþættum tilgangi. Annars vegar felast í henni ákúrur, vegna
    þeirra ávirðinga sem um er að ræða og þar með skilaboð þess efnis, að slík háttsemi sé
    ekki liðin og hins vegar gefur áminning ríkisstarfsmanni aðvörun þess efnis að honum
    gæti verið sagt upp störfum, skv. 44. gr. stml., eða verið veitt lausn um stundarsakir,
    skv. 2. mgr. 26. gr. stml., bæti hann ekki ráð sitt, annað hvort með því að bæta
    háttsemi sína eða gæta þess að ítreka ekki fyrri ávirðingar með framkomu sinni og
    athöfnum.
    Við mat á því hvort atvik eða háttsemi ríkisstarfsmanns sé tilefni til áminningar, þarf
    að gæta að því, hvort það falli að þeim ástæðum sem teljast áminningarverðar, skv.
    21. gr. stml. Í því sambandi, getur auk þess þurft að athuga, hvort með atvikinu eða
    háttseminni sem fyrir hendi er, hafi brotið í bága við tilteknar starfsskyldur sem fylgja
    starfinu. Auk almennra starfsskyldna, kunna að hvíla á ríkisstarfsmanni sérstakar
    starfsskyldur, skv. sérákvæðum laga um hlutaðeigandi starfsstétt eða stofnun. Þar að
    auki gilda yfirleitt einhverjar reglur á hverjum vinnustað um framkvæmd starfsins,
    sem fela í sér útfærslu á starfsskyldum fyrir hlutaðeigandi starfsmenn. Þá gera
    almennar réttarreglur, sem gilda í stjórnsýslunni ákveðnar kröfur til háttsemi
    ríkisstarfsmanna.
    Þegar áminning er veitt, verður að gæta vel að þeim málsmeðferðarreglum sem
    stjórnsýslulögin hafa að geyma, eins og t.d. rannsóknarreglunnar og
    andmælareglunnar. Hafi ekki verið vandað nægilega til við veitingu áminningar,
    getur áminningin verið dæmd ógild. Almennt er talið, að stjórnvaldsákvörðun sé
    ógildanleg, ef meðferð máls er haldin verulegum annmarka, og talið er, að um
    verulegan annmarka sé um að ræða, þegar réttarregla sú sem ekki var virt, verður
    almennt talin veita meira öryggi fyrir því að efni stjórnvaldsákvörðunar verði bæði
    rétt og lögmætt. Auk þess hefur verið miðað við það, að annmarki leiði til ógildingar,
    ef hann hefur leitt til rangrar niðurstöðu í viðkomandi máli. Annmarkar geta auk þess
    leitt til skaðabótaskyldu ríkisins.

Athugasemdir: 
  • Verkefnið er lokað
Samþykkt: 
  • 21.6.2010
URI: 
  • http://hdl.handle.net/1946/5661


Skrár
Skráarnafn Stærð AðgangurLýsingSkráartegund 
Lokaritgerð Hrefna.pdf581.66 kBLokaðurRitgerðin í heild sinniPDF