en English is Íslenska

Thesis University of Akureyri > Viðskipta- og raunvísindasvið > B.S. verkefni >

Please use this identifier to cite or link to this item: http://hdl.handle.net/1946/5706

Title: 
  • Title is in Icelandic Vopnafjarðarhreppur og Langanesbyggð : rekstrarleg áhrif sameiningar
Abstract: 
  • Abstract is in Icelandic

    Í þessu verkefni um rekstrarleg áhrif sameiningar tveggja sveitarfélaga á Norð-Austurlandi eru sveitarfélögin Vopnafjarðarhreppur og Langanesbyggð borin saman og metið hvort hagkvæmt sé fyrir þessi sveitarfélög að sameinast, hvort búast megi við stærðarhagkvæmni og samlegðaráhrifum í málaflokkum.
    Í verkefninu er farið yfir sögu sveitarfélaga á Íslandi og sameiningarsögu sveitarfélaga. Skoðuð eru rök með og á móti sameiningum. Tekjustofnar sveitarfélaga eru tíundaðir og fjallað um hvaða verkefnum þeim er ætlað að sinna samkvæmt lögum.
    Farið er yfir stöðu hvors sveitarfélags fyrir sig, hvaða þjónustu er boðið upp á og hvernig rekstur sveitarfélaganna er. Stjórnkerfinu er lýst og fjallað um lýðræði íbúanna. Síðan er farið yfir vænta stöðu, þjónustu, rekstur og stjórnkerfi í nýju, sameinuðu sveitarfélagi, ef til sameiningar kæmi.
    Fjallað er um verkefnið Austurland – eitt sveitarfélag og þær hugmyndir sem uppi eru hjá Sambandi sveitarfélaga á Austurlandi um að sameina öll átta sveitarfélögin á Austurlandi í eitt, öflugt sveitarfélag. Þær hugmyndir eru skoðaðar út frá hagsmunum Vopnafjarðarhrepps til samanburðar við þann möguleika að sameinast Langanesbyggð.
    Niðurstöður verkefnisins eru að ekki má vænta mikillar rekstrarlegrar hagkvæmni með sameiningu Vopnafjarðarhrepps og Langanesbyggðar. Ef sameiningar eru hins vegar skoðaðar út frá hugmyndum um að lágmarksstærð sveitarfélaga sé 1.000 íbúar, verður nauðsynlegt fyrir sveitarfélögin að sameinast einhverjum. Þá gæti verið meiru að tapa fyrir þessar jaðarbyggðir, að sameinast í eitt stórt sveitarfélag á sitthvoru svæðinu heldur en með minni sameiningu þessara tveggja, svipuðu sveitarfélaga. Það er því vert að skoða betur og með opnum huga möguleikana sem felast í sameiningu Vopnafjarðarhrepps og Langanesbyggðar.

Accepted: 
  • Jun 23, 2010
URI: 
  • URI is in Icelandic http://hdl.handle.net/1946/5706


Files in This Item:
Filename Size VisibilityDescriptionFormat 
Rekstrarleg áhrif sameiningar.pdf1.16 MBOpen"Vopnafjarðarhreppur og Langanesbyggð : Rekstrarleg áhrif sameiningar" - heildPDFView/Open