en English is Íslenska

Thesis University of Akureyri > Hug- og félagsvísindasvið > B.A./B.Ed. verkefni >

Please use this identifier to cite or link to this item: http://hdl.handle.net/1946/5831

Title: 
  • Title is in Icelandic Heilsuefling barna : gildi hreyfingar og næringar fyrir börn á leikskólaaldri
Abstract: 
  • Abstract is in Icelandic

    Í þessu lokaverkefni er fjallað um mikilvægi hreyfingar og réttrar næringar fyrir börn á leikskólaaldri og komið fram með nokkrar hugmyndir um hvernig vinna má með þessa þætti í leikskólastarfi. Hreyfingarleysi og offita er vaxandi vandamál í vestrænum heimi í dag, þ.m.t. á Íslandi. Breyttir þjóðfélagshættir hafa valdið því að fólk hreyfir sig minna en á árum áður og neytir óhollari fæðu og á það líka við um leikskólabörn. Seint verður ofmetið mikilvægi reglulegrar hreyfingar og gegna leikskólar og foreldrar veigamiklu hlutverki varðandi hreyfingu barna. Meirihluti íslenskra barna dvelur stóran hluta dagsins í leikskóla og því áríðandi að leikskólakennarar og foreldrar séu meðvitaðir um gildi hreyfingar fyrir börn og að hún þurfi að henta þroskastigi þeirra. Hreyfiþroski barna er gjarnan notaður sem mælikvarði á heilbrigði þeirra þar sem hann er yfirleitt mjög reglubundinn við eðlilegar aðstæður, en getur þó verið einstaklingsbundinn. Fræðimennirnir Howard Gardner, John Dewey og Lev Vygotsky hafa allir fjallað á einhvern hátt um hreyfingu í kenningum sínum og hafa þær haft áhrif á leikskólastarf.
    Rétt næring er nauðsynleg fyrir þroska og almenna vellíðan leikskólabarna og mikilvægt er að þau fái reglulegar, heilsusamlegar máltíðir. Sýnt hefur verið fram á að matarvenjur mótast strax í æsku og viðhaldast að einhverju leyti fram á fullorðinsár. Þess vegna er mikilvægt að börnum standi strax til boða heilsusamlegur lífstíll, en fæðuval barna mótast að miklu leyti af foreldrum og samfélaginu í kringum þau og því mikilvægt að foreldrar, leikskólar og aðrir sem koma að uppeldi barna tileinki sér gott mataræði. Margir leikskólar eru farnir að leggja mikla áherslu á hreyfingu barna og heilsusamlegt mataræði í starfi sínu. Þeir starfa flestir eftir ákveðinni stefnu sem kölluð er heilsustefnan og nefnast leikskólarnir þá Heilsuleikskólar.
    Í lok verkefnisins eru settar fram hugmyndir um hvernig fræða megi börn um hollustu matar, fæðuhringinn og íslenskar matarhefðir í hópastarfi.

Accepted: 
  • Jun 24, 2010
URI: 
  • http://hdl.handle.net/1946/5831


Files in This Item:
Filename Size VisibilityDescriptionFormat 
Heilsuefling barna. Gildi hreyfingar og næringar fyrir börn á leikskólaaldri.pdf516.99 kBOpen„Heilsuefling barna: Gildi hreyfingar og næringar fyrir börn á leikskólaaldri“ - heildPDFView/Open