Mikilvægi almannatengsla í markaðssamskiptum íslenskra þjónustufyrirtækja

Abstract

Velgengni almannatengsla í stöðugt vaxandi samkeppnisumhverfi snýst fyrst og fremst um að fyrirtæki skilji mikilvægi ímyndar og átti sig á viðhorfi almennings til fyrirtækisins. Við gerð þessara skýrslu var framkvæmd rannsókn þar sem reynslaþjónustufyrirtækja af almannatengslum var skoðuð með tilliti til mikilvægi þeirra í markaðssamskiptum. Skýrsluhöfundur skilgreinir og fjallar um hugtakið almannatengsl og útskýrir ítarlega ferli almannatengsla. Ennfremur verður rætt um mögulegan ávinningaf notkun almannatengsla og í lokin verða teknar saman helstu ástæður þess að fyrirtæki ættu að tileinka sér notkun almannatengsla.Notkun almannatengsla hefur vaxið gríðarlega hratt hér á landi og í dag má segja að rúmlega 40% þjónustufyrirtækja sjái hag sinn í nýta sér þær aðferðir sem í boði eru til að ná til almennings. Langtíma markmið almannatengsla er að bæta hag fyrirtækja en þarsem fyrirtæki hafa nýlega innleitt þessa kynningarleið í starfsemi sína eru mörg þeirra ekki farin að sjá með beinum hætti þau jákvæðu áhrif sem almannatengslum er ætlað að hafa á afkomu fyrirtækja og skipulagsheilda. Mikilvægt er þó fyrir fyrirtæki að mæla árangur af starfi almannatengsla, líkt og öðru markaðsstarfi, því annars getur verið erfitt að leggja mat á skilvirkni almannatengsla.