en English is Íslenska

Thesis University of Akureyri > Hug- og félagsvísindasvið > B.A./B.Ed. verkefni >

Please use this identifier to cite or link to this item: http://hdl.handle.net/1946/610

Title: 
  • is Bráðgerir nemendur : að hverju þarf að hyggja og hver eru viðhorf kennara á yngsta stigi?
Abstract: 
  • is

    Ritgerð þessi er lokaverkefni við kennaradeild Háskólans á Akureyri. Í henni er reynt
    að varpa ljósi á þau atriði er mestu skipta hvað varðar umræðu um bráðgera
    nemendur.
    Í fræðilegum kafla ritgerðarinnar er fjallað um þær hugmyndir og
    skilgreiningar sem tengjast umfjöllun um bráðgera nemendur. Velt er upp atriðum
    eins og hvað felst í því að vera bráðger og hvernig hugmyndir um það hafa þróast í
    gegnum tíðina. Með aukinni þekkingu í sálfræði og fyrir tilstuðlan ýmissa rannsókna
    hafa skilgreiningar víkkað og mun stærri hópur barna getur verið skilgreindur sem
    bráðger.
    Einnig er fjallað örlítið um atriði er varða kennslu þessara nemenda, hvað þarf
    að hafa í huga og hvað ber að varast. Bráðgerir nemendur sýna frávik í þroska, það
    þýðir að þeir eru töluvert ólíkir meginþorra jafnaldra sinna hvað varðar getu á að
    minnsta kosti einu sviði. Frá því að skólar fóru að starfa sem stofnanir þá hefur
    bekkjarkerfi verið við lýði þar sem lengst af var miðað við getu og þarfir
    meðalnemandans. Frávikin, getulitlir jafnt sem getumiklir nemendur hafa því að
    miklu leyti verið afskiptir í hinu hefðbundna skólakerfi. Aukin einstaklingsmiðun í
    kennslu og gerð einstaklingsnámskráa eru talin ein helstu úrræði sem komið gæti
    þessum hópi nemenda til góða, jafnt sem öllum nemendum.
    Einnig var gerð rannsókn á viðhorfum kennara á yngsta stigi í grunnskólum á
    Akureyri. Var hún framkvæmd til að reyna varpa frekara ljósi á stöðu ungra bráðgerra
    barna í grunnskólanum. Kannað er hvaða viðhorf kennarar hafa til kennslu þessara
    nemenda og eigin þekkingar á þeim einkennum og þörfum sem þessi hópur nemenda
    hefur. Í seinni hluta ritgerðarinnar er rannsókninni lýst og þeim aðferðum sem við
    hana var beitt. Niðurstöður kynntar og gerð samantekt á þeim. Einnig er fjallað um
    hvaða ályktanir má draga út frá niðurstöðunum og hvaða úrbætur má gera í ljósi
    þeirra.

Accepted: 
  • Jan 1, 2007
URI: 
  • http://hdl.handle.net/1946/610


Files in This Item:
Filename Size VisibilityDescriptionFormat 
Bradgerirnemendur.pdf385.37 kBOpenBráðgerir nemendur - heildPDFView/Open