en English is Íslenska

Thesis University of Akureyri > Hug- og félagsvísindasvið > B.A./B.Ed. verkefni >

Please use this identifier to cite or link to this item: http://hdl.handle.net/1946/612

Title: 
  • Title is in Icelandic Athyglisbrestur með ofvirkni
Abstract: 
  • Abstract is in Icelandic

    Ofvirkni og athyglisbrestur eru orð sem æ oftar hafa heyrst í almennri umræðu enda er
    fjölgun barna sem greind eru með aðra hvora þessa röskun eða báðar staðreynd.
    Attention Deficict Hyperacitve Disorder er yfirleitt nefnt ADHD en útleggst á
    íslensku sem athyglisbrestur með ofvirkni eða AMO. Orsakir ADHD hafa ekki verið
    staðfestar. Ýmsar tilgátur hafa þó verið settar fram og er almennt talið að röskunin
    tengist með einhverjum hætti taugafræðilegum vanmætti þess hluta heilans sem
    stjórnar hvötum og truflunum í boðkerfi heilans.
    Til þess að barn geti fengið greiningu verður röskunin að koma fram fyrir sjö
    ára aldur og valda barni miklum erfiðleikum á að minnsta kosti tveimur sviðum í lífi
    þess svo sem í skóla og heimili. Aðal einkenni ADHD eru hvatvísi, hreyfivirkni og
    athyglisbrestur. Þó fylgjast þessi einkenni ekki ætíð að og fer eftir hvaða einkenni
    haldast í hendur hvaða greining barn fær. Athyglisbrestur án ofvirkni eða ADD er ein
    þessara greininga. Þegar grunur leikur á að barn sé með ADHD er nauðsynlegt að það
    fái greiningu. Það gerir kennurum, foreldrum og barninu sjálfu auðveldara um vik.
    Kennarar vita þá hvaða vandamál þeir þurfa að takast á við og foreldrar og barnið vita
    hvers vegna barnið hegðar sér eins og það gerir. Rannsóknir hafa leitt í ljós að árið
    2005 vorum um sex prósent grunnskólabarna á Íslandi með ADHD. Greining fer fram
    hjá sérfræðingum og geta barnalæknar og aðrir sérfræðingar ákveðið lyfjagjöf ef þess
    er talin þörf.. Þegar barn hefur fengið greiningu er hægt að leita úrræða.
    Meðferðarúrræði eru fjölbreytt, barn getur fengið fjölskyldumeðferð,
    einstaklingsmeðferð, lyfjagjöf, hópmeðferðir og svo framvegis. Lyfið rítalín er
    algengt hér á landi og miklar umræður eru í samfélaginu um hvort það sé ofnotað hér
    á landi. Barn sem er með ADHD getur verið einstaklega erfitt í skólastofu því þar
    myndast oft aðstæður þar sem barnið á hvað erfiðast með að hafa stjórn á hegðun
    sinni. Að leysa ákveðin verkefni, hafa þögn og sitja kyrrt reynist barni með ADHD
    mjög erfitt. Kennari þarf því að vera meðvitaður um röskun barnsins, þekkja hana út
    og inn og læra hvernig á að takast á við slíka hegðun. Til þess að geta tekist á við
    barnið þarf kennari að vera skipulagður og gera sér áætlanir um hvernig best er að
    kenna barninu. Hlutir eins og borðaskipulag og uppsetning á vegg geta skipt máli.
    Nauðsynlegt er að allt starfsfólk skóla, foreldrar, fagaðilar og barnið sjálft vinni
    saman til þess að útbúa hvetjandi lærdómsumhverfi fyrir barnið.

Accepted: 
  • Jan 1, 2007
URI: 
  • http://hdl.handle.net/1946/612


Files in This Item:
Filename Size VisibilityDescriptionFormat 
Bed_ritgerd_tilbuin_aftur_aftur.pdf409.85 kBOpenAthyglisbrestur með ofvirkni - heildPDFView/Open