en English is Íslenska

Thesis University of Akureyri > Hug- og félagsvísindasvið > B.A./B.Ed. verkefni >

Please use this identifier to cite or link to this item: http://hdl.handle.net/1946/619

Title: 
  • is Fjölbreyttar kennsluaðferðir í stærðfræði
Abstract: 
  • is

    Í þessari ritgerð er fjallað um hvort þær kennsluaðferðir sem viðhafðar eru í stærðfræði á
    unglingastigi séu nægilega fjölbreyttar til að koma til móts við þarfir hvers og eins nemanda.
    Leitast er við að svara rannsóknarspurningunni: Eru kennsluaðferðir í stærðfræði á
    unglingastigi nægilega fjölbreyttar, þannig að þær taki mið af þörfum hvers og eins nemanda.
    Hún er síðan brotin niður í þrjár undirspurningar. Hvaða kennsluaðferðir viðhafa kennarar í
    stærðfræði á unglingastigi í grunnskólum? Út frá hverju vinnur kennarinn þegar hann hugar
    að hvaða kennsluaðferðir hann ætlar að viðhafa? Hvaða kröfur eru gerðar um kennsluaðferðir
    í aðalnámskrá grunnskóla og hvernig hefur sú þróun verið?
    Komið er inn á hvað felst í hugtakinu stærðfræði og tengingu hennar við daglegt líf.
    Kennsluaðferðir í stærðfræði á unglingastigi í grunnskóla eru athugaðar. Skoðaðar eru
    fræðilegar kenningar um nám og hvernig best er komið til móts við þarfir og getu hvers
    einstaklings og hvað einstaklingar læra á mismunandi hátt. Hugmyndir um stærðfræðikennslu
    í námskrám verða skoðaðar og gerð grein fyrir þróuninni. Einnig voru tekin viðtöl við sex
    starfandi stærðfræðikennara á unglingastigi í grunnskóla.
    Niðurstöður leiddu í ljós að allir viðmælendurnir eru meðvitaðir um hvað fjölbreyttar
    kennsluaðferðir eru mikilvægar fyrir nemendur til að koma til móts við þarfir hvers og eins.
    Mismunandi er hvað hentar hverjum og einum því einstaklingurinn lærir á ólíkan hátt. Að
    mati viðmælenda vantar fleiri kennslustundir til að viðhafa fjölbreyttar kennsluaðferðir svo
    þær samræmist því efni og þeim markmiðum sem aðalnámskrá kveður á um. Af viðtölunum
    að dæma hafa samræmd próf í stærðfræði í 10. bekk stýrandi áhrif á kennsluhætti og hefta
    jafnvel fjölbreytni. Útlistunarkennsla (töflukennsla), þrautalausnir, og hópvinna eru
    algengastar kennsluaðferða, meðan leitarnám, útikennsla og tenging við daglegt líf og
    umræður og spurnaraðferðir eru lítið notaðar. Framkoma og viðmót kennara skiptir máli í
    kennslu en mestu máli skiptir þó að vinnugleði ríki í námshópnum. Nemendahópurinn og
    viðfangsefnin virðast stjórna því hvaða kennsluaðferðir eru viðhafðar hverju sinni.
    Áhersluþættir í stærðfræðikennslu eru skilningur, þjálfun, skilningur á stærðfræðihugtökum
    og að nemendur læri að nota þau en gerðar eru kröfur um fjölbreyttari kennsluaðferðir í dag
    en var áður.

Description: 
  • is Verkefnið er opið nemendum og starfsfólki Háskólans á Akureyri
Accepted: 
  • Jan 1, 2007
URI: 
  • http://hdl.handle.net/1946/619


Files in This Item:
Filename Size VisibilityDescriptionFormat 
Fjölbreyttar kennsluaðferðir í stærðfræði.pdf192.02 kBMembersFjölbreyttar kennsluaðferðir í stærðfræði - heildPDF
Fjölbreyttar kennsluaðferðir í stærðfræði - efnisyfirlit.pdf8.44 kBOpenFjölbreyttar kennsluaðferðir í stærðfræði - efnisyfirlitPDFView/Open
Fjölbreyttar kennsluaðferðir í stærðfræði - heimildaskrá.pdf15.49 kBOpenFjölbreyttar kennsluaðferðir í stærðfræði - heimildaskráPDFView/Open
Fjölbreyttar kennsluaðferðir í stærðfræði - útdráttur.pdf12.1 kBOpenFjölbreyttar kennsluaðferðir í stærðfræði - útdrátturPDFView/Open