en English is Íslenska

Thesis University of Iceland > Hugvísindasvið > B.A. verkefni - Hugvísindasvið >

Please use this identifier to cite or link to this item: http://hdl.handle.net/1946/6208

Title: 
  • other Romanttinen luonnonkuvaus ja satumainen loppu: 1800-luvun lastenkirjallisuus esimerkkeinä Jónas Hallgrímsson ja Zacharias Topelius
Submitted: 
  • September 2010
Abstract: 
  • is

    Umfjöllunarefni þessarar B.A-ritgerðar eru ævintýri sem voru skrifuð handa börnum á Íslandi og í Finnlandi á 19. öld, eða á tímum rómantísku stefnunnar. Höfundar þeirra ævintýra sem fjallað er um eru Jónas Hallgrímsson (1807-1845) og Zacharias Topelius (1818-1898). Skoðuð eru vandlega tvö verk eftir hvorn höfund; Grasaferð og Stúlkan í turninum eftir Jónas Hallgrímsson og finnsku ævintýrin Sampo Lappalainen (á íslensku: Sampó Lappilitli) og Vattumato (á íslensku: Hindberjamaðkurinn) eftir Zacharias Topelius.
    Í ritgerðinni er rómantíska stefnan kynnt. Sagt er stuttlega frá því hvernig hún barst til Norðurlandanna, þá sérstaklega Íslands og Finnlands, og hver helstu einkenni hennar í bókmenntum eru. Ævintýri eru síðan kynnt á svipaðan hátt. Fjallað er stuttlega um upphaf barnabókmennta, mismunandi gerðir ævintýra og einkenni þeirra. Næst eru höfundarnir Jónas Hallgrímsson og Zacharias Topelius kynntir nánar með helstu upplýsingum um ævi, áhrif og störf.
    Þar sem bæði Jónas Hallgrímsson og Zacharias Topelius voru þjóðernissinnar og fylgjendur rómantísku stefnunnar, eru einkenni rómantíkur í barnabókmenntum þeirra skoðuð í ritgerðinni. Einnig er athugað hvaða einkenni hefðbundinna ævintýra er að finna í ævintýrunum fjórum sem tekin eru fyrir og hvort ævintýri Jónasar og Topeliusar séu lík eða ólík. Báðir höfundarnir litu upp til samtímamanns síns, H. C. Andersens (1805-1857), þekktasta höfundar barnaævintýra á Norðurlöndunum.
    Meginkaflar ritgerðarinnar eru útdrættir, umfjöllun og greining ævintýranna. Við lestur útdráttanna má sjá svipi með verkum Jónasar og Topeliusar. Það sem er skoðað sérstaklega vandlega er náttúrulýsing, persónusköpun og endir hvers ævintýris.
    Þá taka við greiningar og síðan lokaniðurstöður. Þar kemur í ljós að báðir höfundarnir hafa skrifað sönn ævintýri í anda H. C. Andersen með hefðbundinni persónusköpun, siðferðisboðskap og hamingjusamlegum endi, en einnig hafa þeir skrifað verkin í anda rómantísku stefnunnar, þar sem ímyndunaraflið og tilfinningar ráða ríkjum og náttúrulýsingar eru miklar. Ævintýri Jónasar litast af lýsingum íslenskrar náttúru á meðan Topelius lýsir náttúru Finnlands í sínum ævintýrum.

Description: 
  • is Ritgerðin er skrifuð á finnsku. Henni fylgir útdráttur á íslensku.
Accepted: 
  • Sep 11, 2010
URI: 
  • http://hdl.handle.net/1946/6208


Files in This Item:
Filename Size VisibilityDescriptionFormat 
textinn.pdf317.33 kBOpenHeildartextiPDFView/Open